Rosenheim – Heid is`s soweid! In Rosnhoam fangt heid mid dem Heabsdfest de fünfte Jaoareszeid o. Start is um 11 Uah mid am Festoazug. Um 12 Uah werd dann ogzapft. AA de Roselinde vo Innpuls.me ist scho ganz aufgregt.

Mit dabei beim Einzuag san de Muikkapelln, Wiesntrommla, Trachtla, olle Wichtign vo da unsara Stoad und natürle überhaupt jede Menge Wiesnfäns. Üba de Bahnhofsstraß gäht`s zur Münchna Straß. Dann weida zua guadn Stubn – dem Max-Josefs-Plotz. Vo do zum Ludwigsplotz und schließle üba de Kaiserstraß außi zum Festplotz auf da Loretowiesn.
Bevor ma do dann zur eastn frischn Maß kimmt, head ma se east no am Glückshafn de Eröffnungsredn o und schaut, wia se da Obabürgermeista Andreas März in da Auerbräu Festhalle und da Landrat Otto Lederer im Flötzinga Festzelt beim Ozapfa schlogn. Weard scho hihaun.
Na dann bis späda auf da Wiesn. Innpuls.me schaut natürle glei a moi vorbei und liefert Eich dann frische Buidl.
(Quelle: Artikel: Karin Wunsam / Beitragsbild: Karin Wunsam)

Wenn`s weidare Infos rund um`s Herbstfest woids: