Griaß Eich liabe Leid!

I hoff, Ihr hab`s no Elan zum weidabacha. Heid gibt`s nämle no amoi a guads Bachrezept für de Weihnachtszeit: Orangen-Krokant-Eckn.
Das guade an dene, ma muass a moai ned ausstecha, sondan ko a ganze Plattn bacha. Duad a moi ganz guad und de Eckn schmeckan supa. Nua für die Nuss-Allergika unta Eich sans leida nix.

Innpuls.me – Orangen-Krokant-Ecken:

De Zuatadn:

• 200 g Weizenvollkornmehl
• 200 g zarte Haferflocken
• 75 g Zucker
• 2 Eier (Größe M)
• 200 g und 125 g Margarine oder kalte Butter
• 200 g Walnusskerne
• Backpapier
• 150 g Orangen-Marmelade
• 5 El Grand Marnier (Orangenlikör)
• 3 El Schlagsahne
• 150 g Kuvertüre (weiß oder schwarz oder beides)

Und so macht ma`s:

Mej, Hafaflockn, Zucka, Oar und 250 Gramm Fett in Stückal schnein und dann mit dem Rührgerät erst kurz und dann a no mit Eire Händ guad verknetn, bis a glatta Doag entstäht. 1 Stund muas a dann ruhn.
Derwei weard`s Eich aba a ned langweilig. Denn do dearf`s ihr die Wallnusskern hackn, wenn`s es ned scho ghackt kaaft habt`s.
Den Doag dann auf dem Backblech mit dem Backpapier zu an Quadrat ausroin.
Des Orangn-Marmelad und die Häiftn vo dem Likör warm macha und auf dem Doag vastreicha. Danoch die Sahne, 125 Gramm Fett und an übrigen Likör in an Topf erhitzn und de ghackten Walnüss untarührn. Die Nussmasse kimmt auf die Marmaladnschicht aufi.
Backofa auf 200 Grod vorhoazn. Bei 175 Grod weard die Doag-Plattn dann für 15 bis 20 Minutn bacha. Danoch guad auskühln lossn.
Dann koo mas in Dreieck schnein und de Eckn wearn in de Kuvatüre dunkt.

Guads gelinga wünscht
Eire Roselinde

Und do geht`s zu unsam Backtipp Nr. 7: