Rosenheim – Das ist „Roselinde“ – Maskottchen unserer Online-Plattform Innpuls.me. Die Taubendame bekommt auf ihren Rundflügen und Runden über und durch die Stadt Rosenheim ganz schön viel mit. Ihre Erlebnisse und Gedanken teilt sie regelmäßig mit. Natürlich auf boarisch.
Griaß Eich!
Mei, wia de Zeit vagäd. Jetzt is heid schoo da vierte Advent. Wia schauts aus bei Eich? Habt`s scho olle Weihnachtsgschenka beianand? Und da Christbaam is a scho eizong ins Wohnzimma?
Mei, do hobs i oafacha. Statt das i ma an Danabam obsagln los, sitz i mi lieaba auf oan drauf und schau vom Wipfe oba auf de Waid. Is a besinnlich – des kennt´s ma glam.
Und Gschenka gibts bei uns Stodttaubn a ned so vui wia bei Eich Menschn. Mei bester Spetzl, da Beni, hod ma letzts Joar a boar guade Lebkuacha-Bräsl vorbei brocht. Des hod mi scho arg gfreit.
I hob füa eam des Joar natürle aa wieda a Kloanigkeit: a große Buchecka. De schmeckan eam nämle bsondas guad und darum hob i füa eam scho im Herbst a bsondas scheene Buchecka aufghom und guad vasteckt. Über des Geschenk weard er sie sicha a gfrein.
Und natürle wear i vor Weihnachtn a nomoi de zwoa Damen vo innpuls.me bsuacha, de Karin und de Josefa. I schätz amoi, de ham scho a no a Kloanigkeit füa mi.
Miassad aba gar ned sei. Wei vui wichtiga ois olle Geschenka auf da Waid, ist de Freindschaft. De is unbezahlbar, des sog i Eich. Mitanand redn und lacha – des duad so guad. Do schaut de Waid glei imma a ganzes Stück freindlicha und hella aus.
So gseng is wahre Freindschaft sogar des größte Geschenk im Lebn. Findet ihr ned aa?
Bis zum nächstn Moi
Eure
Roselinde
0 Kommentare