Rosenheim – „O`zapft is“: De Rosenheimer Wiesn 2025 is am heidign Samstagvormidog eröffnet woarn. Ois is glatt glaffa. Da Festzug war wieda a Besuchermagnet. Fia olle, de ned dabei warn, hod Innpuls.me vui Fotos gmacht. 

Der Festzug war wie immer ein Besuchermagnet. Fotos: Innpuls.me

Im letztn Joar wars fast a weng zu hoass (mia ham berichtet). Heia hätts dafüa a bissal wärmer sei kenna. Aba zumindast is drucka blim. 

Auch die Delegation aus Rosenheims japanischer Partnerstadt Ichikawa war beim Festzug mit dabei. 

De Schaulustign ham ganz schee gstaunt, ois beim Festzug erst amoi japanische Leid in japanischer Tracht an eana vorbeizogn san. „Wia ko jetzt des sei?“, ham se manche gfrogt. Da Grund: Aus unsara japanischen Partnerstodt Ichikawa is a Delegation zu Gast in da Stodt, weil de Freindschaft zwischen Rosenheim und Ichikawa 20-jähriges Jubiläum feiert (darüba ham ma a scho gschriem) . Und de Japaner woidn natürle a amoi mit dabei sei bei unsara Wiesn. 

Auch die Trachtler dürfen beim Festzug nicht fehlen.

In de wundaschee gschmücktn Kutschn san, wia imma, de ganz Wichtign gsessn, darunter a da Obabürgermeista und da Landrat. 

Die Brauereien haben ihre Gespanne wieder festlich geschmückt.

Noch dem Festzug san vui von de Schaulustign dann gemeinsam zua Wiesn ausezogn. Bis des Bier gflossn is, hods dann no a bissal dauert. Erst amoi hods vorn Glückshafen de Eröffnungsredn gem, dann die Eröffnungsböller und erst dann ist o?azpt worn. 

Einzug der Kapelle ins Flötzinger Festzelt.

Rosenheims Stadtoberhaupt hod beim Flötzinger o`zapt und do warn dann a mia dabei. Mei war des wieda a Gedränge vo de ganzn Presseleid. Aba mia warn standhaft, um Eich guade Buidl liefan zu kenna. 

O´zapft is. 

Beim ersten Prost war dann a wieda da Bürgermeista vo Ichikawa mit dabei. Dem hod des Bier natürle a geschmeckt.  🍻
Und jetzt de Buidl vo da Eröffnung für Eich: 
(Quelle: Artikel: Karin Wunsam / Beitragsbild, Fotos: Karin Wunsam)