Rosenheim – Es is soweit: de Rosenheimer Wiesn is eaöffnet“. Des Weda beim Einzug hod bast. De Stimmung duach de Stod zua Festwiesn war supa und a des O`zapfa hod guad highaut. Fia olle, de ned dabei sei konndn, hod Innpuls.me vui Fotos gmacht. 🍻
De Drachtla hom am Kreisl oan spontana Plattla eiglegt. Fotos. Innpuls.me
`s war fast a weng zua hoass. Aba de hoassn Temperaturn konndn de Wiesnfans ned davo obhidn, beim Wiesnauftakt am heitign Samsdogvormitdog (31.8.2024) mit dabei zua sei. Tausend standn am Wegsrand und jubeldn den Kutschn und Vaeina beim Einzug auf des Festglände zünftig zua.
Da Landrod und Rosenhheims Obabiagamoasda durfdn mid da Kutschn fahrn.
A scheens Buidl obggem hod`s dann aa, ois Tausend da Wiesnfans si spontan am Festzug oschlossn ham und mitanand zua Loretowiesn zong san – roude Ampeln wurdn dabei oafach moi ignoriad. Aba in dem Foi gab`s do no ned amoi vo de Schandi a Rüg.
O´zapft is! Da Landrod hod sei Sach guad gmacht.
Okema auf am Festgelände gab`s dann Eaöffnungsredn. Ois danoch de drei Salutschüsse fieln, war da Jubl draußn und drinna grous.
Am Chef vom Landkreis, Landrat Otto Lederer, und am Chef vo Rosenheim, Obabiagamoasda Andreas März, stand dann de Ehr zua, de easdn Fassl Bier o´zuzapfa. Beide maosdadn de Aufgob mid Bravour.
Und damit is de Rosenheimer Wiesn 2024 eaöffnet: 16 Doge laffa de Uhrn in Rosenheim damit wieda a weng anders. Prost mitanand. 🍻
Und jetzt de Buidl vo heid:
(Quelle: Artikel: Karin Wunsam / Beitragsbild, Fotos: Karin Wunsam)
Dankscheen fir de scheena buidl 😀, hob lang bracht zum lesn, obwoi is scho vor simasechzg joar gleant hob. Fir de Drachtla is der kloane Greisl groad richtig 😉.
Dankschee ihr bravn meedl, habst gwies arg gschwidst bei dem weda! 😀 😀
S schreim dauert a gans schee lang, hoffnlich wer i heid no fertig 😉