Griaß Eich liabe Leid!

Schee, dass Ihr mi heid wieda in unsra Innpuls.me-Backtubn bsuacha deats. In de vagangana Dog ham mia ja scho einiges für unsan weihnachtlichn Platzaltella zaubat. Wos jetzt unbedingt a no braucht, is a Rezept mit Marzipan.
Dozoa gibt`s ja a Legende aus da Stodt Lübeck. Um 1400 soid do in de Speicha de Droad ausganga sei. Und dann ham die Bäcka aus da Not heraus des Brot aus Mandln bacha. 

Wir bachan aba heid koa Brod, sondan Bethmandal. Da Ursprung füa de kloana Kugaln find se im Joar 1768 in da Mainmetropole Frankfurt, benannt nach da Frankfurter Familie Bethmann.

De Bethmandal passn aba a guad auf an boarischen Platzaltella find ich, und drum gibt`s des Rezept heid a füa Eich – a bissal umgwandlt vo mia, wei`s schneia und leichta vo de Flügal geht. I verwend statt die obzonga Mandlkern Mandlstift, de in dann als Symbol für de 3 heilign Kini in de Kugal steck. Schaut a guad aus, find i und hebt a a weng bessa.

Innpuls.me – Bethmandal:

De Zuatadn:

• 1 kleine Packung Mandelstifte
• 250 g Marzipan-Rohmasse
• 1 Ei (Größe M)
• 60 g Puderzucker und etwas Puderzucker zum Formen
• 30 g Mehl
• 1 TL Schlagsahne oder Milch
• Backpapier

Und so macht ma`s:

Des Marzipan grob raspln. Oar trenna. Oarweiß, Marzipan, Pudazucker, Mej mit da Maschin vaknetn. Die Händ dann mit Pudazucka bestäubn und aus unsam Doag ca. 30 Kugaln drahn.
De dann auf unsa mit dem Backpapier ausglegtn Blech setzn.
Oargelb und die Sahne verrührn und die Kugaln damit bestreicha. Am Schluss no jeweils 3 Stift in jeds Kugal stecka und scho san ma fertig.
Bei 175 Grod ko ma de Bethmandal dann ca. 15 bis 20 Minutn bacha, bis schee goldgeib san.

Guads gelinga wünscht
Eire Roselinde

Und do geht`s zu unsam Backtipp Nr.8: