Griaß Eich liabe Leid!
Und do san ma wieda in unsra gmiatlichen Innpuls.me-Backstubn.
Heid back i Platzal füa olle de, füa de wos nix wichtigas gibt ois eanan Kaffä: Gfuide Mokka-Taler.
Des Rezept is vielleicht a weng aufwendiga und es wearn a nur 30 Platzal. Aba da Aufwand lohnt, weards seng und schmecka.
Mei Tipp: Ned glei aus Begeisterung de doppede Meng macha: In da Füllung is Sahne und drum hoidn de Platzal ja ned so lang wie beispuisweis des Waschkorbgebäck.
Aba ma ko„s ja einfach öfta macha.
Innpuls.me – Mokka-Taler
De Zuatadn:
- 60 g Butter oder Margarine
- 4 Eiweiß (Größe M)
- 1 Prise Salz
- 150 g Zucker
- 40 g Mehl
- 1 gehäufter El Kakao
- 100 g gemahlene Walnüsse – oder ersatzweise Haselnüsse
- 100 g Walnusskerne – oder ersatzweise ganze Haselnüsse
- 150 g Schlagsahne
- 2 TL löslicher Kaffee
- 125 g Zartbitter-Kurvertüre
- 100 g Puderzucker
- Backpapier
- Spritzbeutel
Und so macht ma`s:
Des Fett schmeizn, a bisserl auskühln lossn. Dawei Oarweiß und de Pris Soiz in a Rührschüssl steif schlogn. Weida schlogn und an Zucka noch und noch eiriesln lossn.
So lang weida schlogn, bis se da Zucka aufglöst hod. Mej, Kakao, gmoine Nussn und Fett vorsichtig in unsan Eischnää hem.
In an Spritzbeutl gebn und den Doag in Tala auf des mit Backpapia ausglegte Backblech spritzn. So um de 3 Zantimeta soid oa so Tala groß sei. Die Häiftn vo de Platzal mit de ganzn Nussn belegn und dann eini ins Backrohr und bacha lossn. So um die 20 Minutn bei 175 Grod.
Und wia imma guid – liaba amoi öfta an Blick riskiern, damit ma`s ned übersiggt.
Bis unsre Platzal bachan, kennan mia scho die Füllung ogeh: Vier Essleffe Sahne und Kaffä vamenga. De Kuvatür hacka. Dann den Pudazucka in an Dopf karamellisiern. Rest Sahne eirührn und aufkocha. Vom Herd nehma und de Kuvertür unta Rührn auflösn. Kaffee a no eini und dann füa guade 4 Stund auskühln lossn.
De Mass weard danoch mit dem Schnäbesn augschlogn und dann mit dem Spritzbeutel auf die untare Häiftn da Plätzal aufgespritzt. Dann kimmt de obare Häiftn mit de Nussn drauf und scho is fertig.
Wears no a weng aufwendiger und scheena wui, ko die ganzn Nussn a east noch dem Bacha mit am Rest vo da Schoko-Kaffä-Masse quase aufiklebn. Des Ergebnis segt`s auf unsam Beitrogsbuidl.
Guads gelinga wünscht
Eire Roselinde
Und do geht`s zu unsam Backtipp Nr. 6:
